ایتھنز( وائس آف رشیا) یونانی کوسٹ گارڈ کے مطابق جنوبی جزیرے گاوڈوس کے قریب لکڑی کی کشتی الٹنے سے کم از کم پانچ تارکین وطن ڈوب گئے اور عینی شاہدین نے بتایا کہ تلاش کی کارروائیاں جاری رہنے کے باوجود بہت سے لاپتہ ہیں۔
اب تک 39 افراد – جن میں سے زیادہ تر کا تعلق پاکستان سے ہے – کو اس علاقے میں کارگو جہازوں کے ذریعے بچایا گیا ہے۔ کوسٹ گارڈ نے کہا کہ انہیں کریٹ کے جزیرے پر منتقل کر دیا گیا ہے، انہوں نے مزید کہا کہ 5 پانچ پاکستانیوں کوبچالیا گیا ہے جبکہ
35پاکستانی ابھی تک لاپتہ ہیں ..جبکہ کوسٹ گارڈ نے سرچ آپریشن بند کردیا ہے ان کا کہنا ہے کہ اب باقی لاپتہ افراد کو مردہ تسلیم کیا جائے…
علاوہ ازیں ہفتے کے روز الگ الگ واقعات میں، مالٹا کے علم بردار کارگو جہاز نے گاوڈوس سے تقریباً 40 ناٹیکل میل دور ایک کشتی سے 47 تارکین وطن کو بچایا، جب کہ ایک ٹینکر نے یونان کے جنوب میں واقع چھوٹے سے جزیرے سے تقریباً 28 سمندری میل دور دیگر 88 تارکین وطن کو بچایا۔
ابتدائی معلومات کے مطابق کوسٹ گارڈ حکام کا خیال ہے کہ یہ کشتیاں لیبیا سے ایک ساتھ روانہ ہوئی تھیں۔
