ماسکو:(وائس آف رشیا) کریملن نے توقع ظاہر کی ہے کہ روس، امریکا اور یوکرین کے درمیان سہ فریقی مذاکرات مستقبل قریب میں بحال ہوجائیں گے۔
روسی صدارتی ترجمان دیمتری پیسکوف نے بریفنگ کے دوران کہا کہ سہ فریقی مذاکرات کی بحالی کی جانب بڑھنے کے لیے ایک مشترکہ اقدام اور مشترکہ سیاسی عزم موجود ہے، جس کی تصدیق بھی کی جاچکی ہے۔
دیمتری پیسکوف نے یوکرین تنازع کے حل کے لیے فوری طور پر کسی نقشۂ راہ کے سامنے آنے کے امکان کو مسترد کرتے ہوئے کہا کہ روس کو امید ہے کہ مستقبل قریب میں یہ مذاکرات بحال ہوجائیں گے۔
انہوں نے مزید کہا کہ روس اپنے امریکی ساتھیوں کے ساتھ رابطے جاری رکھے ہوئے ہے۔
