کازان (وائس آف رشیا) روس کے صدر ولادیمیر پوتن نے روس اور آسیان (ASEAN) کے سالگرہ سربراہی اجلاس کے موقع پر شریک ممالک کے وفود کے سربراہان کے اعزاز میں منعقدہ استقبالیہ تقریب میں مہمانوں کا خیرمقدم کیا۔
تقریب نے باضابطہ طور پر روس۔آسیان سربراہی اجلاس کی افتتاحی سرگرمیوں کا آغاز کیا۔ صدر پیوٹن نے مہمان وفود کا استقبال کرنے کے بعد ایک مختصر ثقافتی و موسیقی پروگرام پیش کیا گیا، جس کے بعد سرکاری استقبالیہ منعقد ہوا۔
اس موقع پر روس اور جنوب مشرقی ایشیا کے ممالک کے درمیان تعاون، علاقائی استحکام، اقتصادی روابط اور باہمی شراکت داری کے فروغ کی اہمیت کو اجاگر کیا گیا۔ مبصرین کے مطابق یہ اجلاس روس اور آسیان ممالک کے درمیان تعلقات کو مزید مضبوط بنانے میں اہم کردار ادا کرے گا۔
واضح رہے کہ آسیان (ASEAN) جنوب مشرقی ایشیا کی ایک اہم علاقائی تنظیم ہے، جس کے 11 رکن ممالک میں برونائی، مشرقی تیمور، ویتنام، انڈونیشیا، کمبوڈیا، لاؤس، ملائیشیا، میانمار، سنگاپور، تھائی لینڈ اور فلپائن شامل ہیں۔
توقع ہے کہ اجلاس کے دوران تجارت، سرمایہ کاری، توانائی، نقل و حمل اور علاقائی سلامتی سمیت مختلف شعبوں میں تعاون کے فروغ پر تفصیلی تبادلۂ خیال کیا جائے گا۔
