ایکاتیرینبرگ (وائس آف رشیا) روس کے یورالز شہر ایکاتیرینبرگ میں ڈرون حملے کے نتیجے میں ایک رہائشی عمارت کو نقصان پہنچا، جبکہ تقریباً 50 افراد کو محفوظ مقام پر منتقل کر دیا گیا۔
گورنر ڈینس پاسلر کے مطابق حملہ اچانک کیا گیا، جس کے بعد امدادی ٹیمیں فوری طور پر جائے وقوعہ پر پہنچ گئیں اور صورتحال کو کنٹرول کرنے کے اقدامات شروع کیے گئے۔
انہوں نے بتایا کہ علاقے کی فضائی حدود کو ہر سطح پر بند کر دیا گیا ہے جبکہ فضائی دفاعی نظام بھی فعال کر دیا گیا ہے۔
گورنر نے شہریوں کو ہدایت کی کہ وہ گھروں کے اندر رہیں، اور اگر باہر ہوں تو فوری طور پر محفوظ پناہ گاہوں کا رخ کریں۔
بعد ازاں جاری بیان میں بتایا گیا کہ حملے کے بعد چھ افراد نے طبی امداد حاصل کی، جن میں سے ایک کو اسپتال منتقل کیا گیا، تاہم کسی جانی نقصان کی اطلاع نہیں ملی۔
واقعے کے بعد متاثرہ عمارت کو پولیس نے گھیرے میں لے لیا ہے جبکہ حکام کی جانب سے مزید تحقیقات جاری ہیں۔
