ماسکو(وائس آف رشیا) روس کی وزارت دفاع نے دعویٰ کیا ہے کہ فضائی دفاعی نظام نے آٹھ گھنٹوں کے دوران 46 یوکرینی ڈرون تباہ کر دیے۔ روسی وزارت دفاع کے بیان میں کہا گیا ہے کہ یہ کارروائی 18 اپریل کو صبح 8 بجے سے شام 4 بجے (ماسکو وقت) کے دوران کی گئی۔
روسی وزارت دفاع کے مطابق ڈرونز کو مختلف علاقوں میں نشانہ بنایا گیا جن میں سامارا ریجن، بریانسک ریجن، بیلگوروڈ ریجن، وولوگدا ریجن، کرسک ریجن، نژنی نووگوروڈ ریجن اور ریازان ریجن شامل ہیں۔ کچھ ڈرونز کو بحیرہ اسود کے پانیوں کے اوپر بھی تباہ کیا گیا۔
روسی حکام کا کہنا ہے کہ فضائی دفاعی نظام مسلسل الرٹ پر ہے اور ملک کے مختلف حصوں میں ایسے حملوں کو ناکام بنایا جا رہا ہے۔
