ماسکو(وائس آف رشیا) روسی وزارت خارجہ کی سرکاری نمائندہ ماریا زاخارووا نے کہا ہے کہ روس 9 مئی 2025 کو ماسکو میں فتح کی 80ویں سالگرہ منانے کے لیے ہٹلر مخالف اتحاد کے ممالک کے نمائندوں کو مدعو کرے گا۔
سفارت کار نے کہاکہ ہٹلر مخالف اتحاد کے ممالک کے نمائندے، بشمول سابق فوجی، اہم سیاسی اور عوامی شخصیات، ہر سال 9 مئی کو ہونے والی تقریبات میں شرکت کرتے ہیں۔ فتح کی 80 ویں سالگرہ کے موقع پر بھی ایسا ہی ہو گا۔ “جہاں تک معاملے کے پروٹوکول سائیڈ کا تعلق ہے، بشمول مخصوص افراد کی فہرست، ان امور پر وزارت خارجہ امور صدارتی انتظامیہ کے ساتھ مل کر کام کر رہی ہے۔ جب ہم تقریب کی تیاری کریں گے تو سب کو آپ کو مطلع کریں گے۔
قبل ازیں، صدرپوتن نے مشترکہ براہ راست پریس کانفرنس میں کہا کہ روس 9 مئی 2025 کو ماسکو میں فتح کی 80 ویں سالگرہ کا جشن انتائی جوش و جذبہ کے ساتھ منائے گا جسے دیکھ کرہر کسی کو خوشی ہوگی، جس میں ہٹلر مخالف اتحاد کے ممالک کے نمائندے بھی شامل ہیں۔
