واشنگٹن(وائس آف رشیا) امریکی انٹیلی جنس کی سربراہ ٹلسی گیبارڈ نے ہدایت دی ہے کہ روس اور یوکرین کے درمیان مذاکرات سے متعلق کوئی بھی خفیہ معلومات امریکہ کے قریبی اتحادیوں کو فراہم نہ کی جائے۔ یہ اطلاع سی بی ایس نے دی ہے۔
رپورٹ کے مطابق یہ ہدایت 20 جولائی کو جاری کردہ ایک دستاویز میں درج ہے جس میں کہا گیا ہے کہ ایسی معلومات جو پہلے سے شائع نہ ہوئی ہوں، کسی غیر ملکی شہری یا اتحادی ملک کے ساتھ شیئر نہیں کی جا سکتی۔
پابندی ان معلومات پر لاگو نہیں ہوتی جو براہِ راست مذاکرات سے متعلق نہ ہوں اور سفارتی ذرائع سے موصول ہوں،
یا پھر وہ انٹیلی جنس جو یوکرین کو جنگی کارروائیوں میں مدد دینے کے لیے دی جاتی ہو۔
امریکی حکام نے اس فیصلے کی کوئی واضح وجہ بیان نہیں کی۔
یاد رہے کہ “فائیو آئیز” اتحاد میں امریکہ کے ساتھ برطانیہ، کینیڈا، آسٹریلیا اور نیوزی لینڈ شامل ہیں۔
