ماسکو (وائس آف رشیا) روسی وزارت خارجہ کی ترجمان ماریہ زخارووا نے اپنی ہفتہ وار بریفنگ میں یوکرین ، فلسطین سمیت دیگر اہم ایشوز پر تفصیلی بریفنگ دی اور صحافیوں کے سوالات کے جوابات دیئے.
بریفنگ میں نمائندہ 92نیوزو چیف ایڈیٹر ”وائس آف رشیا” شاہد گھمن نے ان سے سوال کیا کہ اگر روس امریکی ثالثی کے ذریعے یوکرین کے ساتھ امن معاہدہ کرتا ہے تو روس کو ایسا معاہدہ کرنے کے لیے کن شرائط یا ضمانتوں کی ضرورت ہوگی؟ کیا روس پر سے پابندیاں اٹھا لی جائیں گی؟
جس پر ماریہ زخارووا نے جواب دیتے ہوئے کہا کہ ہم پابندیاں اٹھانے کے معاملے پر بات نہیں کرتے اور نہ ہی اس پر بات کریں گے۔ ہم نے انہیں اپنے اوپر مسلط نہیں کیا، ہم نے ہمیشہ کہا ہے کہ یہ پابندیاں غیر قانونی ہیں۔لیکن ہم نے بھی جوابی پابندیاں لگا کر ان کو جواب دیا۔
انہوں نے کہا کہ یہ سوال ان لوگوں سے پوچھنا چاہیئے جنہوں نے یہ پابندیاں متعارف کروائیں۔ ان کے کیا منصوبے ہیں؟ وہ کیا چاہتے ہیں؟ وہ اپنے پیدا کردہ حالات سے کیسے نکلیں گے؟
ہم نے ہمیشہ اس بات پر زور دیا ہے کہ پابندیاں اس وقت تک جائز نہیں ہیں جب تک کہ وہ اقوام متحدہ کی سلامتی کونسل سے منظور نہ ہوں۔ باقی سب تجارت، ہائبرڈ جنگیں، دبائو، اندرونی معاملات میں مداخلت، بین الاقوامی قانونی بنیادوں کی تباہی، ملکوں کے باہمی تعامل اور تعاون کا آلہ ہے۔ ہمارا موقف بالکل واضح ہے۔
ماریہ زخارووانے کہا کہ بحران کی بنیادی وجوہات کو ختم کرنا ضروری ہے۔ اگر آپ کو یقین ہے کہ ایک بٹن دبانے کی ضرورت ہے، اور بورڈ پر “گارنٹیز کا جملہ ظاہر ہوگا ، ایسا نہیں ہوتا ہے۔
انہوں نے کہا کہ بین الاقوامی قانونی معاہدوں، دو طرفہ معاہدوں اور فریقین کے معاہدوں کو نظر انداز کر دیا جاتا ہے۔ مثال کے طور پر مذاکرات میں یقین دہانی کرائی گئی تھی نیٹو کی مشرق میں توسیع نہیں ہوگی لیکن اس کے باوجود نیٹو نے توسیع کی اور یہ ضمانتوں کی قیمت ہے۔
انہوں نے کہا کہ اب یورپی یونین کے ممالک، ان کے صدور، وزرائے اعظم اپنے آپ کو مذاکراتی عمل میں شریک کرنے کی کوشش کر رہے ہیں، وہ کس چیز کی ضمانت دے سکتے ہیں۔وہ نارتھ سٹریم 1اور نارتھ سٹریم 2گیس پائپ لائنوں کی حفاظت کی ضمانت نہیں دے سکے جو قدرتی وسائل کو گیس کی صورت میں ان کی اپنی فلاح و بہبود کے لیے فراہم کرتی ہیں۔ وہ اپنی توانائی کی فلاح و بہبود کی حفاظت کی ضمانت نہیں دے سکے۔ وہ اس دہشت گردانہ حملے کی تحقیقات کی ضمانت بھی نہیں دے سکے۔
نمائندہ 92نیوزو چیف ایڈیٹر ”وائس آف رشیا” شاہد گھمن نے دوسرا سوال کیا کہ امریکہ کی کینیڈا، چین اور میکسیکو کے ساتھ ممکنہ تجارتی جنگ کے بارے میں تشویش بڑھ رہی ہے۔ روس کے نقطہ نظر سے، اس طرح کا تجارتی تنازع عالمی منڈیوں اور ان ممالک کے ساتھ روس کے تجارتی تعلقات کو کیسے متاثر کرے گا؟
جس پرماریہ زخارووا کا کہنا تھا کہ میرے خیال میں بڑے پیمانے پر تجارتی جنگ کے بارے میں بات کرنا قبل از وقت ہے۔ درحقیقت، ہم ٹیرف میں اضافے کا ایک اور دور دیکھ رہے ہیں۔ ہم دیکھتے ہیں کہ بیجنگ، میکسیکو سٹی اور اوٹاوا نے جوابی اقدامات متعارف کرانے کی تیاری کا اعلان کیا ہے۔
انہوں نے کہا کہ امریکہ کی جانب سے یہ کوئی نیا حربہ نہیں ہے صدر ٹرمپ اپنے پہلے دور حکومت میں بھی تجارتی شراکت داروں کو اس طرح کاالٹی میٹم دے چکے ہیں۔
انہوں نے کہا کہ دنیا کے بڑے ممالک میں سے کسی ایک کی طرف سے بین الاقوامی تجارتی معاہدوں کی خلاف ورزی عالمی معیشت پر منفی اثر ڈالے گی۔جبکہ یکطرفہ، بلا جواز ٹیرف میں اضافہ ڈبلیو ٹی او کے اصولوں کے خلاف ہے۔ یہ تحفظ پسندی کے فروغ اور کثیرالطرفہ تجارتی نظام کے عدم استحکام میں معاون ثابت ہوگا۔
انہوں نے کہا کہ بڑھتی ہوئی تجارت کی صورت میں، پوری دنیا صنعتی مصنوعات، خوراک کی مصنوعات اور توانائی کے وسائل کے لیے عالمی منڈیوں میں عدم استحکام کا سامنا کرے گی، عالمی پیداوار ، نقل و حمل اور لاجسٹکس کے راستوں کی بے ترتیبی کا سامنا کرے گی۔
ماریہ زخارووا نے مزید کہا کہ مجھے یقین ہے کہ ہر کوئی کسی نہ کسی طرح متاثر ہوگا۔ ہم شمالی امریکہ کی منڈی پر کم انحصار کرتے ہیں، کیونکہ ہم نے اپنی اجناس کو دوست ممالک تک پہنچایا ہے۔ اس سب میں روس مخالف پابندیوں نے اہم کردار ادا کیا ہے
شاہد گھمن کی جانب سے ماریہ زخارووا سے کئے گئے سوالات اوران کے جوابات کی مکمل ویڈیو…
