نیویارک (وائس آف رشیا) امریکہ میں آج سے سردی کی شدید لہر متوقع ہے جو تقریباً 62 ملین افراد کو متاثر کرے گی۔
سی این این کی رپورٹ کے مطابق، امریکی قومی بحری و ماحولیاتی انتظامیہ (NOAA) نے موسمی پیش گوئی میں خبردار کیا ہے کہ “متوقع برفباری گزشتہ 10 سالوں کی شدید ترین برف باری ہو سکتی ہے”۔
رپورٹ کے مطابق، امریکہ کے بیشتر حصوں کو متاثر کرنے والی یہ سرد لہر پیر تک جاری رہے گی اور اندازاً 62 ملین افراد اس سے متاثر ہوں گے۔
برف باری، برفانی طوفان، بارش اور برفانی سطحوں کے ساتھ ساتھ 65 کلومیٹر فی گھنٹہ کی رفتار سے چلنے والی ہواؤں کے باعث متعدد علاقوں میں ٹریفک کی روانی متاثر ہو سکتی ہے اور بجلی کی فراہمی میں رکاوٹیں پیش آ سکتی ہیں۔
امریکہ کے وسطی حصوں سمیت کئی علاقوں میں برف کی موٹائی ایک میٹر تک پہنچنے کی توقع ہے، جبکہ منفی درجہ حرارت کے باعث منجمد برف سے محتاط رہنے کی ہدایت کی گئی ہے۔
پیش گوئی کے مرکز کے مطابق، لوئزیانا، ارکنساس اور مسی سپی کے بعض علاقوں میں 3 سے 5 درجے کی شدّت والے طوفان کا خطرہ ہے، جبکہ ریاست ورجینیا میں متوقع طوفان کے باعث “ہنگامی حالت” کا اعلان کر دیا گیا ہے۔
NOAA نے خبردار کیا ہے کہ بارش اور طوفان خاص طور پر جنوب مشرقی علاقوں میں سیلاب کا باعث بھی بن سکتے ہیں۔
