ریلْسک شہر کے مرکزی علاقے میں دھماکا خیز مواد بچھا دیا گیا، حالات سازگار ہوتے ہی بم ڈسپوزل ماہرین علاقے کو کلیئر کریں گے، گورنر الیگزینڈر خنشٹین
کرسک (وائس آف رشیا): روس کے سرحدی کرسک ریجن کے شہر ریلسک میں یوکرینی ڈرونز کی جانب سے دھماکا خیز مواد گرائے جانے کا سلسلہ جاری ہے، جبکہ ایک دھماکا خیز ڈیوائس پھٹنے سے دو شہری شدید زخمی ہوگئے ہیں۔
کرسک ریجن کے گورنر الیگزینڈر خنشٹین نے بتایا کہ یوکرینی ڈرونز مسلسل ریلسک شہر پر دھماکا خیز مواد گرا رہے ہیں، جس کے نتیجے میں شہر کے مرکزی علاقوں میں سے ایک میں دھماکا خیز مواد بچھ گیا ہے۔
گورنر کے مطابق ایک دھماکا خیز ڈیوائس پھٹنے سے دو شہری شدید زخمی ہوئے ہیں۔
الیگزینڈر خنشٹین نے میسجنگ ایپ میکس پر جاری اپنے بیان میں ریلسک کے رہائشیوں کو انتہائی محتاط اور چوکس رہنے کی ہدایت کی ہے۔
انہوں نے شہریوں سے اپیل کرتے ہوئے کہا کہ دھماکا خیز مواد گرائے جانے کا سلسلہ اب بھی جاری ہے، اس لیے زیادہ سے زیادہ احتیاط برتی جائے۔
گورنر الیگزینڈر خنشٹین کے مطابق جیسے ہی حالات اجازت دیں گے، بم ڈسپوزل ماہرین علاقے سے دھماکا خیز مواد صاف کرنے کا کام شروع کردیں گے۔









