ماسکو: (وائس آف رشیا) روس کے نائب وزیراعظم الیگزینڈر نوواک کے مطابق یوکرینی ڈرونز نے ساراتوف اور ریازان علاقوں میں قائم دو آئل ریفائنریز کو نشانہ بنایا ہے۔
رشین انرجی ویک فورم کے موقع پر صحافیوں سے بات کرتے ہوئے الیگزینڈر نوواک نے بتایا کہ روسی وزارت توانائی اور متعلقہ کمپنیوں کی ابتدائی معلومات کے مطابق دونوں ریفائنریز پر حملے بدھ کے روز کیے گئے۔
روسی نائب وزیراعظم کا کہنا تھا کہ ان حملوں سے یہ ظاہر ہوتا ہے کہ یوکرینی فریق توانائی تنصیبات پر حملے روکنے یا مجوزہ توانائی جنگ بندی کی طرف بڑھنے کے کوئی آثار نہیں دکھا رہا۔
انہوں نے حملوں کے نتیجے میں ریفائنریز کو پہنچنے والے نقصان، ممکنہ جانی نقصان یا تیل کی پیداوار پر مرتب ہونے والے اثرات کے بارے میں مزید تفصیلات نہیں دیں۔
