ماسکو(وائس آف رشیا) روسی وزارت دفاع نے کہا ہے کہ منگل کی رات فضائی دفاع نے روسی سرزمین پر رات بھر یوکرین کے 32 ڈرونز کو تباہ کر دیا۔
وزارت دفاع کے مطابق سراتوو علاقہ سب سے بڑا ہدف تھا، جس میں 11 ڈرونز کو مار گرایا گیا۔ چار ڈرون کرسک اور راستوو ریجن میں، تین بیلگورود اور برائنسک ریجن میں، دو کراسنودار ریجن میں، ایک وولگا گراد ریجن میں اور چار مزید بحیرہ ازوف کے اوپر تباہ ہوئے۔
سراتوو ریجن کے گورنر رومن بسارگین نے ٹیلی گرام پر لکھا کہ سراتوو اور اینگلز کے شہر “راتوں رات بڑے پیمانے پر یورکرینی ڈرونز کے حملے کی زد میں آئے۔ انہوں نے خطے میں سیکورٹی کو یقینی بنانے پر فوج کا شکریہ ادا کیا۔
انہوں نے کہا کہ ڈرون حملے کے نتیجے میں ایک صنعتی تنصیب میں آگ لگ گئی، لیکن کوئی زخمی نہیں ہوا۔
