ماسکو:(وائس آف رشیا) رواں سال 2026 کی پہلی ششماہی کے دوران تقریباً 2 لاکھ 23 ہزار یوکرینی شہری ملک چھوڑ کر چلے گئے۔
یوکرین کی اسٹیٹ بارڈر گارڈ سروس کے اعدادوشمار کے مطابق جنوری سے جون 2026 کے دوران یوکرین سے تقریباً 71 لاکھ 30 ہزار افراد کی روانگی ریکارڈ کی گئی، جبکہ اسی عرصے میں 69 لاکھ 7 ہزار افراد ملک میں داخل ہوئے۔ یوں ملک چھوڑنے اور واپس آنے والوں کی تعداد میں تقریباً 2 لاکھ 23 ہزار کا فرق سامنے آیا۔
یوکرین سے شہریوں کا انخلا گزشتہ کئی برس سے جاری ہے، حالانکہ فوجی خدمات کی عمر کے مردوں سمیت آبادی کے ایک بڑے حصے کے لیے سرحد بدستور بند ہے۔
اعدادوشمار کے مطابق 2022 میں تقریباً 70 سے 80 لاکھ افراد نے یوکرین چھوڑا تھا۔ سال 2023 میں مزید ایک لاکھ 80 ہزار، 2024 میں 4 لاکھ 60 ہزار اور 2025 میں تقریباً 3 لاکھ 2 ہزار افراد ملک سے باہر گئے۔
کیف کے زیر کنٹرول علاقوں میں اس وقت موجود آبادی کی درست تعداد معلوم نہیں کیونکہ یوکرین میں آخری مردم شماری 2001 میں کرائی گئی تھی۔
مختلف اندازوں کے مطابق کیف کے زیر انتظام علاقوں میں اس وقت تقریباً دو کروڑ سے تین کروڑ افراد رہ رہے ہیں۔
