واشنگٹن (وائس آف رشیا) امریکی صدر ڈونلڈ ٹرمپ نے کہا ہے کہ روس اور یوکرین کے درمیان جاری تنازع کے حل کے لیے ہونے والی کوششوں میں پیش رفت ہو رہی ہے، تاہم انہوں نے اس پیش رفت کی نوعیت یا تفصیلات بیان نہیں کیں۔
وائٹ ہاؤس میں صحافیوں سے گفتگو کرتے ہوئے ٹرمپ نے کہا ک ہم اس معاملے پر کام کر رہے ہیں اور میرے خیال میں پیش رفت ہو رہی ہے۔
انہوں نے کہا کہ میں آٹھ جنگیں ختم کرا چکا ہوں۔ میرا خیال تھا کہ روس اور یوکرین کا تنازع شاید نسبتاً آسان ہوگا، لیکن یہ سب سے مشکل ثابت ہوا۔ اس کے باوجود پیش رفت جاری ہے۔
امریکی صدر نے اس موقع پر یہ واضح نہیں کیا کہ وہ کس قسم کی پیش رفت کا حوالہ دے رہے تھے اور نہ ہی روس یا یوکرین کے ساتھ کسی نئی سفارتی پیش رفت کی تفصیلات فراہم کیں۔
