منیلا(وائس آف رشیا) روسی وزیر خارجہ سرگئی لاوروف نے جنوب مشرقی ایشیائی ممالک کی تنظیم (آسیان) کے وزارتی اجلاس کے موقع پر پاکستان کے نائب وزیر اعظم اور وزیر خارجہ محمد اسحاق ڈار سے ملاقات کی، جس میں دونوں رہنماؤں نے پاک۔روس دوطرفہ تعلقات سمیت علاقائی اور عالمی امور پر تبادلۂ خیال کیا۔
روسی وزارت خارجہ کے مطابق یہ ملاقات منیلا میں آسیان کے وزارتی اجلاس کے موقع پر ہوئی، جہاں دونوں وزرائے خارجہ نے دوطرفہ تعاون کو مزید فروغ دینے کے مختلف پہلوؤں کا جائزہ لیا۔
ملاقات میں پاک۔روس تعلقات کے موجودہ امور کے علاوہ علاقائی اور بین الاقوامی صورتحال پر بھی گفتگو ہوئی۔ دونوں رہنماؤں نے شنگھائی تعاون تنظیم (SCO) سمیت مختلف بین الاقوامی تنظیموں کے پلیٹ فارمز پر باہمی تعاون کو مزید مضبوط بنانے کے امکانات پر بھی تبادلۂ خیال کیا۔
روسی وزارت خارجہ کی جانب سے جاری بیان میں کہا گیا ہے کہ ملاقات خوشگوار ماحول میں ہوئی اور دونوں ممالک نے مختلف شعبوں میں تعاون کے فروغ کے عزم کا اعادہ کیا۔
