ماسکو(وائس آف رشیا) روس نے یومِ فتح کی تقریبات کے پیش نظر 8 اور 9 مئی کو جنگ بندی کا اعلان کر دیا ہے۔
روسی وزارت دفاع کے مطابق یہ فیصلہ روس کے سپریم کمانڈر انچیف صدر ولادیمیر پوتن کی ہدایت پر کیا گیا ہے، جس کا مقصد دوسری جنگ عظیم میں سوویت عوام کی فتح کی یاد کو خراجِ عقیدت پیش کرنا ہے۔
بیان میں کہا گیا کہ اس جنگ بندی کا اطلاق دو روز تک رہے گا، جس کے دوران فوجی کارروائیاں روک دی جائیں گی۔
روسی حکام کے مطابق یہ اقدام انسانی بنیادوں پر اٹھایا گیا ہے تاکہ یومِ فتح کی تقریبات کے دوران کشیدگی میں کمی لائی جا سکے۔
یاد رہے کہ روس ہر سال 9 مئی کو یومِ فتح کے طور پر مناتا ہے، جو دوسری جنگ عظیم میں نازی جرمنی کے خلاف کامیابی کی علامت ہے۔
