ماسکو(وائس آ ف رشیا) روسی صدر کے خصوصی نمائندے برائے سرمایہ کاری و اقتصادی تعاون کِریل دمترییف نے کہا ہے کہ روسی توانائی وسائل کی فراہمی کے معاملے میں یورپی یونین اب ترجیحی فہرست میں سب سے آخر میں آ چکی ہے۔
کِریل دمترییف نے سوشل میڈیا پلیٹ فارم “ایکس” پر ایک بیان میں کہا کہ “یورپی یونین قطار کے اختتام پر کھڑی ہے”، انہوں نے یہ تبصرہ بی آر آئی سی ایس نیوز کے ایک پیغام پر کیا، جو ویتنام کے وزیر اعظم فام منہ چِن کے دورۂ روس کے دوران سامنے آیا۔
اس موقع پر روس میں ویتنام کے سفیر ڈانگ منہ کھوئی نے کہا کہ فام منہ چِن کا دورہ دونوں ممالک کے درمیان تجارت، سرمایہ کاری اور توانائی سمیت مختلف شعبوں میں تعاون کو مزید فروغ دے گا۔
انہوں نے مزید بتایا کہ اس دورے کے دوران جوہری توانائی کے منصوبوں اور دیگر توانائی تعاون سے متعلق کئی اہم معاہدوں پر دستخط متوقع ہیں۔
تجزیہ کاروں کے مطابق روس کی جانب سے توانائی کی سپلائی کے حوالے سے ترجیحات میں تبدیلی عالمی توانائی مارکیٹ پر نمایاں اثرات مرتب کر سکتی ہے، جبکہ یورپی یونین کو متبادل ذرائع کی تلاش میں مزید چیلنجز کا سامنا ہو سکتا ہے۔
