لندن (وائس آف رشیا) روسی صدر کے ترجمان دیمتری پیسکوف نے کہا ہے کہ یورپی ممالک یوکرین کو روس کے خلاف جنگ جاری رکھنے پر زور دے کر بڑی غلطی کر رہے ہیں۔
برطانوی اخبار فنانشل ٹائمز کو دیے گئے ایک انٹرویو میں پیسکوف نے کہا کہ یورپی حکومتیں جنگ کے خاتمے کی کوششوں کے بجائے یوکرین کو لڑائی جاری رکھنے کے لیے قائل کرنے پر اپنی تمام تر توجہ مرکوز کیے ہوئے ہیں۔
انہوں نے کہا کہ بدقسمتی سے یورپی ممالک اپنی تمام کوششیں اس بات پر صرف کر رہے ہیں کہ یوکرینی جنگ جاری رکھیں۔ ہم سمجھتے ہیں کہ یورپ اپنے مستقبل کے حوالے سے ایک بڑی غلطی کر رہا ہے۔
پیسکوف نے یہ بھی کہا کہ روس کے مطابق محاذِ جنگ پر صورتحال اس کے حق میں ہے، تاہم ماسکو سفارتی حل کے لیے بھی تیار ہے۔
ان کے مطابق محاذ پر پیش رفت ہمارے لیے مثبت ہے۔ ہم آگے بڑھ رہے ہیں اور اپنے اہداف کے حصول کے قریب ہو رہے ہیں۔ تاہم جیسا کہ صدر ولادیمیر پوتن نے کہا ہے، ہم سفارتی حل کے لیے بھی کھلے ہیں۔
