ماسکو(وائس آف رشیا) روس اور امریکا کے درمیان روسی تیل پر عائد پابندیوں میں ممکنہ نرمی کے حوالے سے بات چیت جاری ہے۔ یہ بات روسی صدر کے سرمایہ کاری اور اقتصادی تعاون کے خصوصی ایلچی کیریل دمترییف نے بتائی ہے۔
کیریل دمترییف، جو روسی ڈائریکٹ انویسٹمنٹ فنڈ کے سربراہ بھی ہیں، نے سوشل میڈیا پلیٹ فارم ایکس پر اپنے بیان میں کہا کہ اس معاملے پر امریکا کے ساتھ بات چیت ہو رہی ہے کیونکہ مغربی پابندیوں نے عالمی معیشت کو نقصان پہنچایا ہے۔
ان کا بیان ایسے وقت سامنے آیا ہے جب امریکا کے وزیر خزانہ اسکاٹ بیسنٹ نے بھی روسی تیل پر عائد پابندیوں میں ممکنہ نرمی کا عندیہ دیا تھا۔
کیریل دمترییف کے مطابق مغربی ممالک کی پابندیاں نہ صرف روس بلکہ عالمی معیشت کے لیے بھی نقصان دہ ثابت ہوئی ہیں۔
