ماسکو(وائس آف رشیا) روسی صدر ولادیمیر پوتن نے ماسکو کے علاقے میں واقع ’’امینیفسکوی‘‘ الیکٹرو ڈیپو میں جدید بغیر ڈرائیور اور خودکار نظاموں کی نمائش کا تفصیلی جائزہ لیا، جس میں روسی صنعت کے تازہ ترین نمونے اور پیش رفت پیش کی گئیں۔
نمائش کے دوران صدر کو بتایا گیا کہ روس اس وقت شہری ٹرانسپورٹ، زراعت، تعمیرات، ماحولیات، صنعت اور سیکیورٹی کے شعبوں میں بغیر ڈرائیور ٹیکنالوجی کے استعمال کو تیزی سے بڑھا رہا ہے۔ اس موقع پر پوتن نے نمائش میں رکھے گئے مختلف نمونوں کے سامنے رک کر ان کی کارکردگی اور عملی استعمال پر براہِ راست سوالات کیے۔
نمائش میں موجود ’’شہری خودکار نظام‘‘ کے اسٹینڈ پر ماسکو کی انتظامیہ نے بغیر ڈرائیور ٹیکنالوجی کو شہر کے اندر مستقبل کے سفری نظام سے جوڑ کر پیش کیا۔ اس میں بتایا گیا کہ دارالحکومت میں آہستہ آہستہ وہ ماحول تیار کیا جا رہا ہے جس میں گاڑیاں، روبوٹس اور دیگر خودکار نظام سڑکوں اور انفراسٹرکچر کے ساتھ براہِ راست مربوط ہو سکیں گے۔
ٹرانسپورٹ سیکشن میں روسی کمپنیوں کی تیار کردہ ٹیکنالوجی رکھی گئی جن میں بغیر ڈرائیور مال بردار ٹرک، بھاری وزن کے کارگو ڈرون، بغیر ڈرائیور ٹیکسی گاڑیاں، سامان پہنچانے والے روبوٹ شامل تھے
یہ نمونے پوتن کو عملی حالات میں دکھائے گئے کہ کیسے یہ مستقبل میں لاجسٹکس، تعمیرات، فضائی ترسیل اور شہری سہولیات کے شعبے بدل سکتے ہیں۔
