ماسکو(وائس آف رشیا) روس کے خصوصی صدارتی ایلچی برائے غیر ملکی سرمایہ کاری و اقتصادی تعاون کریل دمتریئیف نے یورپی یونین کی خارجہ امور کی سربراہ کایا کالاس کے بیان پر شدید ردِعمل دیتے ہوئے کہا ہے کہ دنیا میں کوئی ایسا فضائی دفاعی نظام موجود نہیں جو روس کے اوریشینک (Oreshnik) ہائپر سونک میزائل کو روک سکے۔
کریل دمتریئیف نے سوشل میڈیا پلیٹ فارم ایکس پر اپنے تبصرے میں کہا کہ “کایا کالاس اتنی باخبر نہیں ہیں، تاہم انہیں یہ ضرور معلوم ہونا چاہیے کہ میک 10 رفتار رکھنے والے اوریشینک میزائل کے خلاف کوئی فضائی دفاع موجود نہیں”۔
اس سے قبل روسی وزارت دفاع نے تصدیق کی تھی کہ روسی افواج نے یوکرین کے اہم تنصیبات پر بڑے پیمانے پر حملہ کیا ہے، جس میں اوریشینک میزائل نظام بھی استعمال کیا گیا۔ وزارت کے مطابق یہ کارروائی گزشتہ ماہ صدر ولادیمیر پوتن کی رہائش گاہ پر کیے گئے یوکرینی ڈرون حملے کے جواب میں کی گئی، جبکہ حملے کے تمام اہداف کامیابی سے حاصل کر لیے گئے۔
